မြန်မာ့ဆိပ်ကမ်းအာဏာပိုင် စာရင်းဌာန၏တာဝန်ဝတ္တရားများ
စာရင်းဌာနသည် မြန်မာ့ဆိပ်ကမ်းအာဏာပိုင်၏ ဘဏ္ဍာရေးဆိုင်ရာ ကိစ္စအဝဝကို အောက်ဖော်ပြပါအတိုင်း အပိုင်း(၂)ပိုင်း ခွဲခြားတာဝန်ယူ ဆောင်ရွက်လျက်ရှိပါသည်။
- မြန်မာ့ဆိပ်ကမ်းအာဏာပိုင်၏လုပ်ငန်းဆိုင်ရာငွေစာရင်းများ။
- မြန်မာ့ဆိပ်ကမ်းအာဏာပိုင်အား ကိုယ်စားလှယ်ခန့်အပ်သော သင်္ဘောပိုင်ရှင်များ၏ ငွေ စာရင်းများ။
စာရင်းဌာန၏ဖွဲ့စည်းပုံ
မြန်မာ့ဆိပ်ကမ်းအာဏာပိုင်စာရင်းဌာနသို့ အောက်ဖော်ပြပါ ဌာနခွဲ(၄)ခုဖြင့် ဖွဲ့စည်း ထားပါသည်။
- စီမံကိန်းနှင့်ဘတ်ဂျက်ဌာနခွဲ
- လယ်ဂျာနှင့်စာရင်းဌာနခွဲ
- ငွေတောင်းခံလွှာဌာနခွဲ
- ကိုယ်စားလှယ်စာရင်းဌာနခွဲ
စီမံကိန်းနှင့်ဘက်ဂျက်ဌာနခွဲ
- နှစ်တိုနှစ်ရှည်စီမံကိန်းများရေးဆွဲခြင်း။
- နှစ်စဉ်သာမန်ရငွေနှင့်အသုံးစရိတ်၊ ငွေလုံးငွေရင်းရငွေနှင့်အသုံးစရိတ်အတွက် ရသုံးမှန်း ခြေငွေစာရင်းများရေးဆွဲခြင်း၊ရန်ပုံငွေလွှဲပြောင်းသုံးစွဲခြင်းများတင်ပြဆောင်ရွက်ပေးခြင်း
- နှစ်ချုပ်စာရင်းများရေးဆွဲခြင်းနှင့် အစီရင်ခံခြင်း။
- ပုံသေပိုင်ဆိုင်ပစ္စည်းများ၏ တန်ဖိုးလက်ကျန်များတွက်ချက်စာရင်းပြုစုခြင်း။
- ဆိပ်ကမ်းများနှင့်ပတ်သက်သော ကုန်စည်အမျိုးအစားအလိုက် ကုန်ကိုင်တွယ်မှု့စာရင်း အင်းများ၊ သင်္ဘောအဝင်အထွက်စာရင်းအင်းများ၊ ခရီးသည်ဉီးရေစာရင်းအင်းများ ပြုစု ပေးခြင်း။
- ပြင်ပဆိပ်ကမ်းများနှင့် ပတ်သက်သောစာရင်းဇယားများ ပြုစုပေးပို့ခြင်း။
- အစိုးရစာရင်းစစ်အဖွဲ့၏ စစ်ဆေးချက်အစီအရင်ခံစာအပေါ် အရေးယူဆောင်ရွက်ခြင်း။
လယ်ဂျာနှင့်စာရင်းဌာနခွဲ
လယ်ဂျာနှင့်စာရင်းဌာနခွဲသည် အောက်ဖော်ပြပါ လုပ်ငန်းတာဝန်များကိုဆောင်ရွက်
ပါသည်။
- ရငွေများလက်ခံခြင်း၊ အသုံးစရိတ်များကိုထုတ်ပေးခြင်း၊ ဘဏ်နှင့်ဆက်သွယ်ဆောင်ရွက် ခြင်း။
- နိုင်ငံခြား ငွေပေး၊ငွေယူကိစ္စများ ဆောင်ရွက်ခြင်း။
- ဝင်ငွေနှင့်အသုံးစရိတ်များအား လယ်ဂျာစာရင်းရေးသွင်းထိန်းသိမ်းထားရှိခြင်း။
- အသုံးစရိတ်ရန်ပုံငွေထိန်းချုပ်စာရင်းများ ထိန်းသိမ်းဆောင်ရွက်ခြင်း။
- ယာယီစာရင်းလယ်ဂျာနှင့် ပုံသေပိုင်ဆိုင်ပစ္စည်းများ စာရင်းရေးသွင်း ထိန်းသိမ်းထားရှိ ခြင်း။
- ကြိုတင်ထုတ်ပေးငွေစာရင်းများ ထိန်းသိမ်းဆောင်ရွက်ခြင်း။
- တန်ဖိုးတွက်စာရင်းများ ပြုစုဆောင်ရွက်ခြင်း။
- ပြင်ပငွေအပ်လုပ်ငန်းစာရင်းများ ပြုစုထိန်းသိမ်းခြင်း။
- သိုလှောင်ပစ္စည်းထိန်းချုပ်စာရင်းများ ပြုစုထိန်းသိမ်းဆောင်ရွက်ခြင်း။
- ပြင်ပဆိပ်ကမ်းများနှင့် ပတ်သက်သော ထိန်းချုပ်လယ်ဂျာစာရင်းများ ပြုစုဆောင်ရွက် ခြင်း။
- လစဉ်အစမ်းရှင်းတမ်းများပြုစုရေးဆွဲခြင်း၊ စာရင်းညှိနှိုင်းခြင်း၊ မှတ်တမ်းပြုစုထိန်းသိမ်း ထားရှိခြင်း။
- (၃) လပတ်၊ (၆) လပတ် နှင့် နှစ်ပတ်လည် အကောင်အထည်ဖော်နိုင်မှု အခြေအနေများ ပြုစုတင်ပြခြင်း။
- အပတ်စဉ်၊ လစဉ် အစီအရင်ခံစာများရေးဆွဲတင်ပြခြင်း။
- စာရင်းဌာနဝန်ထမ်းများ၏ စီမံရေးရာကိစ္စရပ်များ ဆောင်ရွက်ခြင်း။
ငွေတောင်းခံလွှာဌာနခွဲ
ငွေတောင်းခံလွှာဌာနခွဲသည် အောက်ဖော်ပြပါ လုပ်ငန်းတာဝန်များကို ဆောင်ရွက်ပါ သည်။
- မြန်မာ့ကြယ်ငါးပွင့် သင်္ဘောများနှင့် ပင်လယ်ကူးသင်္ဘောကြီးများအပေါ်တွင် ကျသင့် သည့် ဆိပ်ကမ်းခွန်၊ ရေကြောင်းပြခ၊ တံတားကပ်ခ၊ ကျောက်စွဲခ၊ သင်္ဘောငှားခ၊ ကုန်တင်/ချခ စသည်တို့ကို တွက်ချက်၍ ငွေတောင်းခံလွှာများထုတ်ပြန်တောင်းခံခြင်း၊ ငွေလက်ခံရရှိမှု့နှင့် ကြွေးကျန်များအား စိစစ်တောင်းခံခြင်း။
- မြန်မာ့ဆိပ်ကမ်းအာဏာပိုင်မှ ပိုင်ဆိုင်သည့်မြေ၊ အဆောက်အဉီး၊ သိုလှောင်ရုံ၊ ဆိုင်ခန်း စသည်တို့ငှားရမ်းမှု့အတွက် ထုတ်ပြန်ထားသည့်ငွေတောင်းခံလွှာများ၊ ဗော်ယာငှားခ၊ လျှပ်စစ်မီတာခ၊ ရေချိုရောင်းခ အစရှိသောအခြားရရန်ရှိ ဝင်ငွေများအတွက် ထုတ်ပြန် ထားသည့် ငွေတောင်းခံလွှာများအပေါ် ငွေလက်ခံရရှိမှု့နှင့် ကြွေးကျန်များအား စိစစ် တောင်းခံခြင်း။
- သွင်းကုန်၊ပို့ကုန်များအတွက် ချလံဖြင့် ပေးသွင်းသော အခွန်အခများအား တွက်ချက် စစ်ဆေးခြင်း၊ စာရင်းရေးသွင်းပြုစုခြင်းနှင့် မြီစားလက်ကျန်စာရင်းများ ပြုစုခြင်း။
- ဆိပ်ကမ်းအခွန်အခ ကြိုတင်ရငွေများ စာရင်းထိန်းသိမ်းဆောင်ရွက်ခြင်း။Port EDI System ရှိသင်္ဘောအဝင်အထွက်များအားသင်္ဘောထွက်ခွာပြီး(3)ရက်အတွင်း Truck Recordများရှိ Data အချက်အလက်များအားစီစစ်ပြီး Register Apply,Approve များဆောင်ရွက်ခြင်း။
- နေ့စဉ် EDI System သို့ Daily Exchange Rate များထည့်သွင်းပေးခြင်း။
ကိုယ်စားလှယ်စာရင်းဌာနခွဲ
ကိုယ်စားလှယ်စာရင်းဌာနခွဲသည် အောက်ဖော်ပြပါ လုပ်ငန်းတာဝန်များကိုဆောင် ရွက်ပါသည်။
- ပြည်ပရှိနိုင်ငံခြားသင်္ဘောပိုင်ရှင်များမှ Agency Appointment ပေးအပ်ထားသော သင်္ဘောများ ရန်ကုန်ဆိပ်ကမ်းနှင့် ပြင်ပဆိပ်ကမ်းများသို့ ဆိုက်ကပ်၍ ကုန်တင်/ချ လုပ်ငန်းများ လုပ်ကိုင်သည့်အတွက် ကြိုတင်ငွေများ လက်ခံခြင်း၊ခရီးစဉ်အလိုက်ကျသင့် သောသင်္ဘော ကုန်ကျစရိတ် ငွေတောင်းခံလွှာများကို စိစစ်၍ သင်္ဘောပိတ်စာရင်း (Disbursement Account)ရေးဆွဲ မှတ်တမ်းတင်ခြင်းနှင့် ငွေပေးချေခြင်း။
- မြန်မာ့နိုင်ငံခြားကုန်သွယ်မှုဘဏ်နှင့် မြန်မာ့စီးပွားရေးဘဏ်တွင် နိုင်ငံခြားငွေစာရင်းနှင့် ကျပ်ငွေစာရင်းဖွင့်လှစ်ခြင်း။
- သက်ဆိုင်ရာ Terminal ၊ ဌာနအဖွဲ့အစည်းနှင့် လူပုဂ္ဂိုလ်များသို့သင်္ဘောပိုင်ရှင် ကိုယ်စား သင်္ဘောတစ်စီးချင်းအလိုက် ပိုငွေ/လိုငွေများကို သင်္ဘောပိတ်စာရင်းအရ General Account ဖြင့်ထိန်း သိမ်းပြုစုပြီး သင်္ဘောအသုံးစရိတ် စာရင်းရှင်းတမ်းများကို သင်္ဘော ပိုင်ရှင်များ ထံသို့ပေးပို့ခြင်း။
- နိုင်ငံခြားသင်္ဘောပိုင်ရှင်များ မှ သင်္ဘောအသုံးစရိတ် ပိုငွေများကိုပြန်လည်တောင်းခံလာ ပါကစိစစ်၍ပြန်လည်ပေးပို့ခြင်း။
- Port EDI စနစ်ဖြင့်ခရီးစဉ်အလိုက် သင်္ဘောပိတ်စာရင်းများနှင့် သင်္ဘောပိုင်ရှင်ငွေစာရင်း များရေးဆွဲခြင်း။
